Дэлхийн хамгийн шилдэг нислэгийн компаниар Emirates шалгарчээ

Францын нийслэл Парисд жил бүр болдог агаарын шоу үзэсгэлэн өчигдөр боллоо.

Skytrax World Airline Awards дэлхийн хамгийн шилдэг агаарын нислэгийн шагнал гардуулах ёслолын ажиллагаа нь анх 1999 онд гараагаа эхэлсэн ба Англи, Испани, Хятад, Орос зэрэг орнуудын зорчигчдын санал хүсэлтэд хариу өгч тэднээс сэтгэл ханамжийн судалгаа аван шагналын эзнийг тодруулдаг байна.

Дэлхийн 160 орны 18,2 сая зорчигчийн санал хүсэлтээр шагналын эзэн нислэгийн компанийг шалгаруулдаг. Энэ шоунд нислэгийн компаниудын хамгийн сайн үйлчилгээтэй, хамгийн цэвэрхэн , тохилог кабинтай, нислэгийн үеийн шилдэг үйлчилгээтэй хамт олон болон чөлөөт цагийн шилдэг үйлчилгээ зэрэг үзүүлэлтүүдээр тус бүр шалгаруулдаг.

Энэ удаад Skytrax World Airline Awards шагналын эзнээр Арабын Нэгдсэн Эмират улсын Emirates компани дэлхийн хамгийн шилдэг агаарын нислэгийн компаниар шалгарчээ. Emirates компани нь 2001, 2002 онуудад мөн шилдэг компанийн шагнал хүртэж байсан гэнэ.

Skytrax World Airline Awards-2013 шагнал:

Жилийн хамгийн шилдэг агаарын нислэгийн компани- Emirates
Дэлхийн хамгийн шилдэг үйлчилгээтэй хамт олон- Cathay Pacific
Дэлхийн хамгийн хямд үнэтэй нислэгийн компани- Air Asia
Хамгийн шилдэг хямд зэрэглэлтэй -Garuda Indonesia
Хамгийн шилдэг Premium Economy зэрэглэлтэй - Air New Zealand
Хамгийн шилдэг бизнес зэрэглэлтэй - Qatar Airways
Хамгийн шилдэг I зэрэглэлтэй - Etihad Airways
Хамгийн шилдэг чөлөөт цагийн үзүүлбэртэй - Emirates
Best Signature Dish- Malaysia Airlines” Satay Service