Apple I –ын хуучин компьютер 500,000$ хүрчээ

Apple -ын хэрэглэгчид хамгийн үнэнч хэрэглэгчид гэнэ. Тэд Iphone гар утасны шинэ загварыг худалдан авах гэж хэдэн цагаар ч хүлээн урт дараалалд зогсдог байна.

Хамгийн анхны Apple I компьютерээс маш цөөхөн үлдсэн байдаг боловч тэдний зөвхөн нэгийг нь өнгөрсөн даваа гарагт дуудлага худалдаанд оруулсан ба 300,000-500,000 $-ын үнэ хүрчээ.

Хагас сая гаруй долларын үнэ хүрсэн энэ компьютер нь 1976 онд үйлдвэрлэгдсэн ба гадуураа бүрээсгүй, компьютерийн гар болон дэлгэцгүй гэнэ. Үнэн хэрэгтээ энэ мөнгөөр та 250 ширхэг MacBook Pro-г худалдан авах боломжтой.

Apple компанийг үндэслэгч Стив Возняк найз Стив Жобсын эцэг эхийн байшингийн гаражд хийж угсарч байсан учраас эдгээр компьютерууд ийнхүү үнэд хүрсэн байна. Apple компанийн хамгийн анхны 200 гаруй компьютерийг Стив Возняк болон Стив Жобс нар бүтээж байжээ.

Харин одоо эдгээр хуучин компьютеруудыг “Silicon Valley” сүлжээ дэлгүүрийн эзэн Паул Тэррэл сонирхох болов. Тэрээр эдгээр компьютеруудыг нэг бүрийг нь 500$-оор худалдан авч 666,66$-оор дахин зарсан байна.

Өнгөрсөн 5-р сард л гэхэд Германы дуудлага худалдаагаар Apple I компьютер 671,000$ -оор зарагджээ.