Алсугийн төрсөн өдрийн үнэт бэлэг нь хүн

Татар гаралтай дуучин Алсу энэ сарын 27-нд 30 нас хүрнэ. Түүний төрсөн өдрийн бэлэг нь ихэвчлэн "Хүн" байдаг аж. Өнгөрсөн жил түүний төрсөн өдрийг нөхөр нь Хятадад тэмдэглэсэн бөгөөд баярын сюрпризийг Алсугийн найзуудаар "барьжээ". Өөрөөр хэлбэл Алсугийн нөхөр Ян Абрамов нь эхнэртээ гэнэтийн бэлэг барихын тулд найзуудыг нь Хятадад аваачсан аж. Төрсөн өдрийн ширээний ард суусан Алсу үүнийг төсөөлөө ч үгүй байсан бөгөөд гэнэтхэн найзууд нь бүгдээрээ орж ирэхэд нь баярын "шоконд" түр зуур орсон хэмээжээ. Энэ жил ч гэсэн түүний төрсөн өдрийн хамгийн үнэт бэлэг нь түүний найзууд байх бололтой. Тэрбээр сэтгүүлд өгсөн ярилцлагадаа "Хамгийн үнэтэй найз нараа урина" хэмээсэн байна.