Женнифер Лопез дарангуйлагчийн төрсөн өдөрт дуулан шүүмлэлд өртжээ

Дэлхийн хамгийн үнэтэй дуучдын нэг Женнифер Лопез өнгөрсөн бямба гаригийн орой Туркменистаны Ерөнхийлөгч Гурмангулы Бердымухамедовын 56 насны төрсөн өдрийн баярт хүрэлцэн очиж ая дуугаа өргөсөн байна. Гурмангулы Бердымухамедов нь 2006 оноос хойш улсынхаа төрийн тэргүүнээр ажиллаж байгаа бөгөөд түүнийг олон улсын  “Human Rights Watch” байгууллагынхан дэлхийн хамгийн хатуу дарангуйлагчдын жагсаалтад бүртгэсэн байдаг.

Тэгвэл хүний эрх, хүмүүнлэгийн үйлсэд идэвхтэй оролцдог Женнифер Лопез Туркменистаны дарангуйлагчийн төрсөн өдөрт ая дуугаа өргөсөн нь хүний эрхийн байгууллагынханд таалагдаагүй аж.