Зета Жонс “хүндэт шагнал” гарджээ

Холливудын нэрт жүжигчин Кетрин Зета Жонс Уэльсийн хамгийн нэр хүндтэй сургуулиудын нэг “Royal Welsh College of Music, Drama”-ийн хүндэт шагналыг гарджээ. “Үзэгчдийн хүртээл болсон олон сайхан бүтээлүүдээрээ Европ төдийгүй дэлхий дахинаа танигдсан түүний кино урлагт оруулсан хувь нэмэр их” хэмээн тус сургуулийн захирал Хилари Боулдин энэ үеэр онцлон тэмдэглэжээ.

Кетрин Зета Жонс 1969 оны есдүгээр сарын 25-ны өдөр Уэльсэд төрж бага залуу наснаасаа кино урлагт хөл тавьсан кино урлагийн хүндтэй хатагтай нарын нэг юм. Тэрээр хамгийн анх Францын кино найруулагч Филипп де Брокагийн “Les 1001 Nuits” кинонд тоглож олонд танигдсанаас хойш одоог хүртэл  30 гаруй кинонд тоглосон чадварлаг жүжигчин юм. Жонс мөн дан ганц кинонд тоглохоос гадна арваад жүжгийн дүрд тоглосон байна.