Нулимс хэлбэртэй хөшөөг Уитни Хьюстоны булшин дээр босголоо

Уитни Хьюстоны шарил дээр ямар нэгэн хөшөө босгоогүй амьд цэцгийн баглаа тавьсан байсан аж. Харин саяхан алдарт дуучны шарилын хөшөөг гэр бүлийнхэн нь тусгай захиалгаар хийлгэж булшин дээр нь босгожээ. Уг хөшөөг нулимс, зүрхэн хэлбэртэй хийсэн нь хайр энэрэл болон уй гашууг илтгэж буй аж. Мөн хөшөөн дээр түүний хамгийн алдартай уран бүтээл болох “I Will Always Love You” дууны нэрийг мөнхөлсөн байна. Уитни Хьюстоны шарил Нью-Жерсигийн Уэстфильд дэх Фэйрвьюгийн оршуулгын газарт байдаг аж.