Бөгсөндөө 60.75 кг алт тээвэрлэн хил давахыг завджээ

Бөгсөндөө 60.75 кг алтыг хувааж хийсэн Тайванийн 9 иргэн Өмнөд Солонгосын гаалийн ажилтнуудад баригджээ. Жижигхэн дөрвөлжин болгон гулдмайлсан алтыг 9 хэсэгт хувааж тус бүрдээ 6.75 кг алт бөгсөндөө тээвэрлэсэн хууль бус наймаачдын хамгийн ахмад нь 47 настай Зу гэгч байжээ. Тэрбээр Солонгос улсад хууль бусаар аль оруулж ирдэг бүлэглэлийг ахалдаг байсан байна.

Цагдаагийн ажилтнууд шулуун гэдсэндээ нуусан алтыг нь гаргахын тулд гэдэс цэвэрлэх эм уулгаж хүчээр "туулгаж" гаргажээ.  Бөгсөндөө алт тээвэрлэдэг эл бүлгийнхэн алт тээсэн хүнээ "илжиг" хэмээдэг бөгөөд нэг "илжигний" бөгсөнд дундажаар 6 кг алт тээвэрлэдэг хэдий ч тэд хүнд ачаагаа огтхон ч мэдэгдэлгүйгээр алхаж гишгэж явж чаддаг аж. Өөрөөр хэлбэл нэг "илжиг" нэг удаадаа 6 кг татах 24 ширхэг  алтан гулдмай авч явах чадвартай байдаг гэнэ.