“Уруулын будаг”-ийн Дээгийг эрэн сурвалжилж байна

1990-ээд оны сүүл үед Монголын рок, поп амьд хөгжмийн хамтлагт цахиур хагалан гарч ирсэн “Уруулын будаг” хамтлагийн гишүүн Дээгийг эрэн сурвалжилж эхэллээ. Дээгийгийн аав, ээж нь түүнийг Солонгос руу явж сурах санал тавьсанаас хойш “Уруулын будаг” хамтлаг нэг жилийн хугацаанд уран бүтээлээ туурвиж байгаад албан ёсоор тарцгаасан юм. Гэтэл өдгөө Дээгийг ЦЕГ-аас эрэн сурвалжлах боллоо. Тодруулбал, ЦЕГ-ын цахим мэдээллийн хуудаст эрэн сурвалжилж байгаа иргэдийн мэдээлэлд Дээгийгийн зураг болон мэдээлэл нийтлэгдсэн нь олон хүний анхаарлыг татсан юм.

Эх сурвалжийн мэдээлснээр, түүнийг “Зоос” банкнаас их хэмжээний мөнгө залилсан гэж байгаа аж.  Харин хамтлагийн гишүүд нь тухайн үед ярилцлага өгөхдөө “Дээгий хамтлагаас гарахаасаа өмнө “Зоос” банктай манай хамтлаг гэрээ байгуулаад, хамтран ажиллаж байсан. Тэднийхийг сурталчилж байсныг олон түмэн ч санаж байгаа байх” гэжээ. Ямартай ч нэгэн үед охид залуусыг байлдан дагуулж байсан “Уруулын будаг” хамтлагийн Дээгийг эрэн сурвалжилж байгаа ажээ.