СҮМО | Дархан аварга Г.Өсөхбаярын хүү дээд зиндаанд дэвшжээ

Мэргэжлийн сүмо бөхийн дээд зиндаанд Дархан аварга Г.Өсөхбаярын хүү Тошинофүжи Ө.Дэмиджамц дэвшжээ. Тэрээр ирэх есдүгээр сарын башёд маэгаширагийн 16-д эрэмбэлэгдэн барилдах юм байна.

Өдгөө 26 настай тэрээр анх 2024 оны тавдугаар сард хамгийн доод зиндаа болох жонокүчид барилдаж байсан юм. Одоо тэрээр исегэхама дэвжээнд харьялагддаг юм. Энэ жилийн гуравдугаар сард цолтой бөх болж дэвшсэн.

Тошинофүжи Ө.Дэмиджамц нь сүүлийн 68 барилдаандаа 45 ялсан амжилттай байна. Мэргэжлийн сүмогийн жонидан зиндаанд нэг удаа түрүүлж байсан амжилттай. Тэрээр дээд зиндаанд дэвшсэнээр Монголоос дээд зиндаанд барилдсан 33 дахь сүмоч болж байна.