Д.Рагчаа гардийн хүү дээд зиндаанд гурав дараалж давлаа

Энэ сарын башёгоос эхлэн дээд зиндаанд дэвшин барилдаж байгаа Асахакүрюү Р.Жамъянтогтох өнөөдөр гурав дахь даваагаа авлаа. Тэрээр өнөөдрийн барилдаанд Рюдентэй таарч барилдсан юм. Асахакүрюү Р.Жамъянтогтох одоо маегэширагийн 17-гоос босон барилдаж байна. Тэрээр маргаашийн барилдаанд маегэширагийн 14-өөс босон барилдаж буй Митакэүмитай таарч барилдана. Митакэүми одоогийн байдлаар нэг даваа, хоёр унаатай байна.

Үндэсний бөхийн гарди Д.Рагчаагийн хүү Асахкүрюү Жамъянтогтох нь 1999 онд нэгдүгээр сарын 8-нд төрсөн. Өдгөө 27 настай. Такасаго дэвжээнд харьяалагддаг, 185 см өндөр, 150 кг жинтэй. Мэргэжлийн сүмод 2023 онд орсон. Анх орсон жилээ жонокүчи зиндаанд нэг ч уналгүй түрүүлж байсан юм. Улмаар хоёр башё барилдаад санданме зиндаанд дэвшсэн. Санданме зиндаанд ердөө нэг башё барилдаад нэг ч унаагүй боловч тойргийн барилдаанд ялагдан түрүүгээ алдсан юм. Энэ оны долоодугаар сард макүшита зиндаанд нэг ч уналгүй түрүүлэн жюрёо зиндаанд дэвшсэн. Жүрёо зиндаанд анх дэвшсэн башёдо мөн адил түрүүлж, мэргэжилтнүүдийн анхааралд өртсөн юм.