Өнөөдөр попын хаан Майкл Жексон мэндэлжээ

Хөгжмийн ертөнцөд домог болсон дуучин, попын хаан гэхээр хэн хүний санаанд нэг л хүн буудаг. Тэр бол домогт Майкл Жексон юм. Тэрээр 1958 оны энэ өдөр төржээ. Тэрээр дэлхийн урлагийн түүхэнд үнэтэй хувь нэмэр оруулж  "Billie Jean", "Beat It"  “Thriller”  “Heal the world” зэрэг олон арван хит дуугаараа сая сая хүмүүсийг байлдан дагуулсан юм. Түүний дуунуудыг одоо ч хүмүүс сонсох дуртай. Тэрээр Чикаго хотын ойролцоо Африк-Америкын ажилчин гэр бүлд 10 хүүхдийн найм дахь нь болон төрсөн бөгөөд 1964 онд ах нартайгаа "Жэксон 5" хамтлагаас дуучны гараагаа эхлүүлсэн байдаг. Харин ганцаарчилсан карьераа 1971 оноос хөөсөн юм.

Харамсалтай нь тэрээр 2009 оны зургадугаар сарын 25-нд Лос Анжелес хотод зуурдаар нас барсан ба дэлхийн олон олон шүтэн бишрэгчид нь эмгэнэн гашуудсан юм. Нас барсныхаа дараа Жексон 2009 оны хамгийн их цомог борлуулсан дуучин болсон бөгөөд дэлхий дахинд нийтдээ 35 сая цомог зарагджээ. Хэдий Майкл Жексон өнөөдөр бидний дунд байхгүй ч түүний хийж бүтээсэн бүхэн биднийг хөглөж, баясгаж түүнийг байгаа мэт сэтгэгдэл төрүүлдэг.