Сири улсын эрх баригчид ард түмнийхээ эсрэг химийн зэвсэг хэрэглэсэн үү?

Сири улсын эрх баригчид ард түмнийхээ эсрэг химийн зэвсэг хэрэглэсэн талаар хэвлэлүүдээр ихээхэн яригдах болсон нь энэ бүс нутагт дахин шинэ дайны байдал бий болгож болзошгүй байгаа. АНУ тэргүүтэй улсууд цэргийн ажиллагаа явуулах асуудлыг ярих болсон ба Англи улс ямартай ч цэрэг хөдөлгөхгүй байх шийдвэрт хүрээд байна. АНУ-ын Ерөнхийлөгч Барак Обама конгрессээс зөвшөөрөл авахаар хүлээж байгаа нь зах зээлд үүсээд байсан хүлээлтийг бага зэрэг намжаад газрын тосны үнэ ч буурсан. НҮБ-ын шинжээчид Сири улсаас дээж авч гарсан ба химийн зэвсэг хэрэглэсэн талаар бүрэн тайлан хараахан гараагүй байгаа юм.

Тэрчлэн дэлхийн эдийн засгийн онцлох мэдээллүүдийг харахад Сирийн нөхцөл байдал ихээхэн хамаатай байна. Тус улсад цэргийн ажиллагаа явуулах тал дээр АНУ-ын ерөнхийлөгч хатуу байр суурьтай байгаа нь долоо хоногийн турш газрын тос болон алтны ханшийг өсөхөд нөлөөлж байсан бол долоо хоногийн сүүлээр байдал намжиж алт, газрын тосны ханшууд эргээд суларсан дүр зурагтай байлаа.