Дэлхийн хамгийн том алсын харагч

Дэлхийн хамгийн том алсын харагч Сингапурт байдаг. “Singapore Flyer” нэртэй уг алсыг харагч нь 180 сая ам.долларын өртгөөр, 2005 оноос эхлэн гурван жилийн дотор баригдсан бөгөөд  42 давхар байшинтай тэнцэх өндөртэй юм. 165 метрийн өндөрлөгөөс хотын төв болон 45 км-ийн зайд орших Индонезийн арлуудыг хүртэл харж болдог аж. 

2008 оны гуравдугаар сард нээлтээ хийсэн алсыг харагч эхний гурван өдөрт үйлчилгээний билет нь 6271 ам.доллар буюу Монгол мөнгөөр 10.7 сая төгрөгт хүрч байжээ. Бүхээг бүр нь 28 хүний багтаамжтай бөгөөд нийт 28 бүхээгэнд 784 хүн суудаг аж.  Доороос дээшээ оргил хүрэхэд 15 минут болдог бөгөөд нийтдээ 30 минутын турш аялах боломжтой гэнэ.