Батлан хамгаалахын сайд асан 20 жилийн хорих ял сонсчээ

Грекийн шүүхээс авлигын хэрэгт холбогдсон Батлан хамгаалахын сайд асан Акис Цохадзопулост 20 жилийн хорих ял оноожээ. Учир нь хуягт танк, усан доогуур явдаг завь, пуужингийн цогцолбор авах зөвшөөрөл зэргээс их хэмжээний мөнгө завшсан байна. Шударга шүүхийн өмнө тэрээр өөрийн буруу үйлдлээ ч хүлээсэн байна. Түүнчлэн тэрээр албан тушаалаа ашиглан 55 сая еврогийн хахууль авч түүнийгээ угаасан аж.

Түүнээс гадна мөнгө угаасан хэрэгт 16 хүн холбогдсон тул тус бүрт нь 6-15 жилийн ял оноох болоод байгаа юм. Энэ хэрэгт Цохадзопулостын эхнэр ч мөн хутгалдаж 12 жилийн ял сонсчээ.