Чехэд ял эдэлж байсан Манай улсын хоёр иргэн суллагдлаа

Гадаадын улс оронд ял эдэлж буй багагүй Монгол иргэд байдаг гэсэн судалгаа бий. Тэгвэл саяхан Чех улсын Валдице болон Винаржице хотын хорих газарт ял эдэлж байсан монгол иргэд болох Х, Э нарыг суллажээ. Тэднийг хугацаанаас нь өмнө суллах шийдвэрийг энэ сарын 17, 25-ны өдрүүдэд болсон шүүх хурлаар гаргасан юм байна. Уг шүүх хуралд Прага дахь манай Элчин сайдын яам анхаарал тавьж, төлөөлөгч биечлэн оролцуулжээ. Тэд улсынхаа хоёр иргэнийг үлдэх ялаас чөлөөлөгдсөн тохиолдолд нутаг буцаах баталгаа гаргаж өгсөн байна. Тиймээс уг баталгааны дагуу шүүх бүрэлдэхүүн монгол иргэдийг хугацаанаас нь өмнө суллах шийдвэрийг гаргасан аж. Манай улсын иргэд гадны улс оронд ихэвчлэн хулгай, хар тамхитай холбоотой гэмт хэрэгт холбогддог байна.