Хятадын Коммунист намын байрны өмнө дэлбэрэлт болжээ

Хятад улсын Шанси мужийнТайюань хотод өнөө өглөө бага хэмжээтэй дэлбэрэлт болжээ. "Синхуа"  агентлагт мэдээлсэнээр дэлбэрэлт Хятадын Коммунист намын байрны яг өмнө болж, нэг хүн хүнд бэртжээ. Мөн олон машин эвдэрсэн байна.  Хэргийн газар цагдаагийнхан үзлэг хийж байгаа бөгөөд одоогоор дэлгэрэнгүй мэдээлэл өгөхгүй байгаа аж. "Синхуа" агентлагт бичсэнээр эл хэргийг Уйгарчуудын ээлжит халдлага байх магадлалтай талаар тэмдэглэжээ.
Өнгөрсөн долоо хоногт Бээжин хотын Тянь Аньминий талбайд спорт загварын жип машинтай гурван этгээд халдлага үйлдэж, таван хүн амиа алдсан билээ. Тус халдлагын хэрэгт Хятадын цагдаагийн албаныхан долоон этгээдийг сэжиглэн баривчлаад байгаа юм.