Алдарт дуучин, дуу зохиогч, жүжигчин бүсгүй Katy Perry түүний сүүлийн үеийн уран бүтээл болох “Roar” дууныхаа клип дээр хэт задгай хувцасласны улмаас залуу үед буруу үлгэр дуурайл үзүүлсэн гэсэн шүүмжлэлд өртөөд байгаа билээ. Тэрээр энэ талаар 2013 оны 10 дугаар сарын 26-нд  “Америкийн үндэсний олон нийтийн радио”  /NPR/-д өгсөн ярилцлагадаа өгүүлэхдээ:“Ихэнх хүмүүс намайг өсвөр үеийнхний үлгэр жишээ болгож хардаг. Үүнийх нь төлөө би тэдэнд талархах нь зүйтэй боловч үнэндээ би үлгэр жишээ нь байхаас илүүтэйгээр зоригжуулагч, урам хайрлагч байхыг хүсдэг л дээ. Учир нь би тэдний даган дуурайх ёстой хэн нэгэн байж хэзээ юу хийх, эсвэл хийхгүй байхыг зааж өгч чадахгүй байж мэдэх юм. Харин задгай хувцаслалтын хувьд бусад поп дуулдаг бүсгүйчүүдийн хувьд ч байж л байгаа зүйл шүү дээ. Би тэднийг буруутгах гэж энэ тухай ярьж байгаа юм биш шүү. Заримдаа өөрт байгаа зарим нэг хөзрийг дэлгэх нь сонирхолтой байдаг. Үнэндээ би тэр клипэнд тоглохдоо секси дүр төрх бүрдүүлсэн ч энэ нь цаашид үргэлж тийм байна гэсэн үг биш юм. Энэ бүхнийг уран бүтээл талаас нь харж, ойлгохыг та бүхнээс хүсч байна” гэсэн байна.