Леди Гага сансарт нисэнгээ дуулна

Америкийн дуучин Леди Гага 2015 онд сансарт нисч тойрог замд дуугаа дуулна гэж "Ю-Эс уикли" мэдээллээ. Сансарын арилжааны анхны хөлөг "Верджин галактик"-ийг хөөрснөөс хагас жилийн дараа дуучин огторгуйд хөөрөх юм байна.
Тойрог замд  дуулсан түүний дууг Америкийн Нью-Мексико муж дахь сансрын хөлөг хөөргөх "Спейспорт Америка" талбайд болох дуу хөгжмийн Zero G Colony наадмын концертын талбайд шууд дамжуулан үзүүлэх аж.  Зохион байгуулагчид гурав хоног үргэлжлэх хөгжмийн энэ наадмыг мардагдашгүй мөч болно гэж онцолж байна. Леди Гага нислэгийн өмнө нэг сарын тусгай бэлтгэл хийж, энэ аялалд зориулж даатгуулах гэнэ.