Тархины хагалгаанд орсон Ерөнхийлөгч ажилдаа орохоор болжээ

Аргентины анхны эмэгтэй ерөнхийлөгч Кристина Фернандес де Киршнер сарын өмнө тархины хагалгаанд орсон билээ.

Буэнос-Айрес хотын "Фавалоро сан" хувийн эмнэлгээс гарснаас хойш бүрэн тэнхрэхэд дөрвөн долоо хоногийн хугацаа шаардлагатай тул 30 хоног ажлаас чөлөөлөгдөхийг  ерөнхийлөгчид эмч нар зөвлөсөн байжээ.

“Тиймээс энэ сарын 18-наас эхэлж ажилдаа эргэн орох боломжтой боллоо” гэж түүний албан ёсны төлөөлөгч Альфред Скочимарро мэдэгдлээ.

“Ерөнхийлөгчийн бие маш сайн байгаа. Давтан шинжилгээний дүнгээр биеийн байдал нь тогтвортой ажилдаа эргэн ороход саадгүй” гэж Киршнерийн эмч нар мэдээлжээ.