Лэди Гагагийн нисдэг даашинз

Өвөрмөц содон хувцаслалт, хүчир­хэг дуу хоолойгоороо алдарш­сан дуучин бол яах аргагүй Лэди Гага. Түүний Грамми авард дээр өмссөн хонины махан даа­шинз, хавчин малгай, харь гари­гийн гэмээр гаж хувцаслалтыг нь хараад сайхан харагдаж байна гэж хэлэхээсээ илүүтэй гайхан цочир­дох, бүр жигшин зэвүүцэх хүн олон байсан.  Харин сүү­лийн үед алдарт дуучин Лэди Гагаг 2015 онд сансарт нисч,  дэлхийн тойрог замд тоглолтоо хийх анхны дуучин болно хэмээн шуугиж бай­гаа билээ. Өнгөрсөн ням гаригт хийсэн "Artpop" шинэ цомгийнхоо нээл­тийн үеэр тэрбээр энэ талаар дэлгэрэнгүй мэдээлсэн байна. Цомгийнхоо нээлтийн үеэр тэрбээр хэрхэн сансарт нисэх тухайгаа тайлбарлажээ. Мөн энэ үеэр тэрбээр шинэ цомог болон ирээ­дүйд хийх нислэгтэйгээ уялдуулж нэгэн өвөрмөц даашинз хийлгэс­нээ танилцуулжээ. Тодруулбал, тэрбээр дэлхий дээрх хамгийн анхны нисдэг даашинзыг урлуул­сан байна. "Volantis" хэмээн нэрлэгд­сэн уг даашинз нь хүний хөдөлгөөнд саад болохгүй бие барьсан материалаар хийгджээ. Даашинзны гол хүч, гайхамшиг нь толгойны өмсгөлдөө оршиж байгаа аж. Даашинзтай залгагдах малгай нь дээшээ хөөрөхөд зориулагдсан хэд хэдэн том сэнстэй, салхи шороо орохоос сэргийлсэн шилэн хамгаалалттай аж. Уг гайхалтай бүтээлийг загвар зохион бүтээгч Нанси Тилбури зөвхөн Лэди Гага­гийн бие размерт зориулан бүтээ­жээ. Малгайны сэнсийг ажиллуу­лахын тулд өндөр хүчин чадалтай тусгай батерей шаардлагатай гэнэ. Дуучин Лэди Гага шинэ даашинз­ныхаа талаар "Энэ бол маш гайхалтай бүтээл. Яг л над шиг цор ганц" хэмээсэн байна.