Инстаграмм мессеж бичих үйлчилгээ нэвтрүүллээ

Бидний хэзээний танил болсон Инстаграммд одоо мессеж бичих боломжтой боллоо. “Instagram direct” мессежийг ашигласнаар өөр хоорондоо зураг болон бичлэг  илгээж болох юм.

“Заримдаа цор ганцхан, эсвэл тодорхой хэдхэн хүнтэй л зургаа хуваалцмаар санагддаг шүү дээ.  Шинэ мессеж үйлчилгээг хэрэглэснээр 15 хүртэлх хүнтэй зураг хуваалцаж, тухайн агшны талаар ярилцах боломжтой болж байгаа юм.” Гэж Инстаграммын зохион бүтээгч Кэвин Систром  мэдэгджээ.

 “direct” гэх товчлуур дээр дарснаар та зургаа найзуудтайгаа хуваалцаж, зураг үзсэн хүнийг харж, тэдэнтэй шууд харилцаж болох юм. Систромын мэдэгдсэнээр энэхүү үйлчилгээг цаашид улам сайжруулж, тусгай бүлэг үүсгэн зургаа хуваалцах зэрэг үйлдлийг нэмэх юм байна.