Ираны сармагчин сансарт нисээд амжилттай газарджээ

Ираны ерөнхийлөгч Хасан Роухани хоёр дахь удаагаа сансарт сармагчин илгээсэн тухайгаа зарласан талаар "Associated Press" мэдээлэв.
 
Иран хоёр дахь удаагаа сармагчинг сансарт нисгэжээ. Исламын бүгд найрамдах улсын ерөнхийлөгчийн сайтад байрлуулсан мэдээллийн дагуу, пуужин хөөргөлт амжилттай болсон бөгөөд Фаргам нэртэй сармагчин эсэн мэнд газардсан байна. Тэмдэглэсний дагуу анх удаагаа шингэн түлш бүхий зөөгч пуужинг хөөргөжээ. Пуужин бямба гаригийн өглөө хөөрч, сармагчинтай капсулыг 120 км-ийн өндөрт гаргасан ба сансарт 15 минут орчим болоод эргэн газарджээ.