Ухаалаг бөгж

Техник технологийн дэвшлийн ачаар гар утсанд ирсэн дуудлага, мессеж болон бусад мэдээллийг цагандаа авах боломжтой болсоор удаагүй байгаа билээ. Харин одоо яг ийм үйлдэлтэй ухаалаг бөгж  худалдаанд гарахад ойрхон байна. Энэхүү бөгж нь гар утастай “Bluetooth”-р холбогдох бөгөөд утсанд ирсэн дуудлага, мессеж төдийгүй сэрүүлэг, зэрэг бусад санамжуудыг ч өөр дээрээ хүлээн авах чадалтай юм.

Үүгээр ч барахгүй утсаа хаана тавьснаа мартаж хайх хэрэггүй болох юм байна. Учир нь таныг гар утаснаасаа 9 метрээс илүү холдоход танд анхааруулга өгөх гэнэ. Давхар цагны үйлдэлтэй тус ухаалаг бөгж 24 цагийн турш тасралтгүй ажиллах хүчин чадалтай бөгөөд “Twitter”, “Facebook” зэрэг олон нийтийн сүлжээ сайтуудад ч холбогдох боломжтой юм. Энэхүү гайхалтай бөгж хэзээ худалдаанд гарч, хэн үйлдвэрлэхээр болсон талаар тодорхой мэдээлэл хараахан гараагүй байна.