Амьд организмаас гаралтай улаан буудайгаар хооллосон хулганууд хорт хавдраар өвчилж үхжээ

Франц улсын Каен их сургуульд 2 жилийн туршид хийгдсэн "Хортон шавьж устгах бодист тэсвэртэй хувиргасан амьд организмаас гаралтай эрдэнэшиш ба газар тариалангийн хортон шавьж устгах бодисийн урт хугацааны хор хөнөөл" сэдвээр хийсэн судалгааны аймшигтай үр дүн нь хувиргасан амьд организмаас гаралтай улаан буудайгаар хооллосон хулганууд маш том хавдартай болсон байна.

Тэрхүү улаан буудайгаар хооллосон судалгаанд хамруулсан 100 эм хулганы 70 хувь  нь, 100 эр хулганы 50 хувь нь том хавдраас болж үхсэн бөгөөд бөөр, элэгний архаг өвчтэй болжээ. Ийнхүү дэлхий даяар Монсанто үйлдвэрийн хортон шавьж устгах бодис болон хувиргасан амьд организмаас гаралтай хүнсийг дэлхийн олон улс импортоор оруулах, тухайн оронд энэ аргаар хүнс тариалахыг хориглоод байна.

Үүнд Орос, Австри, Болгар, Франц, Герман, Грек, Унгар, Люксенбург зэрэг улсууд багтаж байгаа аж. Жишээ нь, Итали улсын 25 аймаг, хотуудад хувиргасан амьд организмаас гаралтай хүнсийг хорьсон. Австри улс 3 төрлийн хувиргасан амьд организмаас гаралтай эрдэнэ шишийг хорьжээ.

Англи улсад хэдэн зуун сургуулиудын үдийн хоолонд хувиргасан амьд организмаас гаралтай хүнсний бүтээгдэхүүнийг хорьсон байна. Хувиргасан амьд организмын тариалалтыг тодорхой хэсэг газарт хорьсон. Норвеги улс зарим төрлийн антибиотект тэсвэртэй ген агуулах хувиргасан амьд организмаас гаралтай хүнсний импортыг хорьсон бол Австралийн баруун хэсэгт худалдааны зориулалтаар хувиргасан амьд организмын тариалалт хийхийг хорьжээ. Австралийн аймаг хотууд хувиргасан амьд организмын тариалалт хийхгүй байх эсэхээ өөрсдөө улсын зөвшөөрөл авалгүйгээр шийдэх эрхтэй болсон байна. Шинэ Зеландийн зарим нутагт хувиргасан амьд организмын тариалалт хийхгүйгээ зарласан. Тайланд улс 40 төрлийн хувиргасан амьд организмаас гаралтай газар тариалангийн бүтээгдэхүүний импортыг хорьжээ. Саудын Араб улс хувиргасан амьд организмаар хийгдсэн бүх хүнсийг хориглож, хувиргасан амьд организмаас гаралтай улаан буудайн импортыг хорьсон байна. Ийнхүү Филиппин, Египт, Алжир, Бразил, Парагуай зэрэг улсуудад энэ хориг хэрэгжээд байна. АНУ-д маш олон тооны өргөдөл, гомдол саналын дагуу хориг тавихыг шаардаж хөдөлгөөн өрнөж байгаа юм байна.