Дэлхийг өөрчилж чадсан 7 бүсгүй

CNN агентлаг 2013 оны дэлхийн шилдэг долоон эмэгтэйг танилцуулж байна.

Боловсрол

Пакистан дахь хүйсийн тэгш бус байдал, эмэгтэйчүүдийг ялгаварлан гадуурхахыг эсэргүүцсэнийхээ төлөө талибануудад буудуулж, толгойдоо хүнд гэмтсэн Малала Юсафзай охиныг CNN агентлаг онцолжээ. Тэрбээр одоо эмэгтэйчүүдийн эрхийг хамгаалагчдын бэлэг тэмдэг болсон. Өнгөрсөн долоодугаар сарын 12-нд түүний 16 насны төрсөн өдөр болсон ба Малала энэ өдөр НҮБ-ын индрээс эмэгтэйчүүдийн эрх, боловсролын төлөөх хүчирхэг илтгэл тавьсан юм.

Улстөр

Христийн Ардчилсан намы лидер Ангела Меркел гуравдахь удаагаа Германы Канцлераар сонгогдлоо. Тэрбээр төрийн эрхийг барьж байх хугацаандаа томоохон өөрчлөлтүүдийг зоримог хийсэн ба ажилгүйдлийн түвшин сүүлийн 20 жилийн хугацаанд хамгийн их хувиар буурсан байна. Ангела Меркель Германы түүхэд төрийн эрхийг хамгийн удаан атгасан эмэгтэй удирдагчаар тодорсон.

Шинжлэх ухаан

1963 оны зургаадугаар 16-нд ЗХУ-ын иргэн Валентина Терещкова сансарт ниссэнээр дэлхийн анхны сансрын эмэгтэй нисэгч болов. Тэгвэл үүнээс яг 50 жилийн дараа НАСА-гийн нислэгийн инженер Керин Найбэрг сансар дахь 167 өдрийн аяллаа эхэлүүлсэн юм. Түүнийг шинжлэх ухааны оны эмэгтэйгээр шалгаруулжээ.

Урлаг

Энэ онд сонгодог хөгжмийн цаглабарт цоо шинэ эрин эхэлсэн гэж урлаг судлаачид үзсэн. “Last Night of the Proms”, энэхүү бүтээл Марин Элсопыг хөгжмийн ертөнцөд цуурайтуулсан юм.

Утга зохиол

Орчин үеийн богино өгүүллэгийн хатан хаан гэгдэж буй Канадын зохиолч Элис Мунро 2013 оны Нобелийн шагналын эзэн болсон. Түүнийг Антон Чеховтой адилтгаж үздэг ба утга зохиолын салбараас Нобелийн шагнал хүртсэн 13 дахь эмэгтэй ажээ.

Бизнес

Дэлхийн алдарт брэнд “Burberry”-ийн СЕО, “Apple”-ийн онлайн, жижиглэнгийн худалдаа хариуцсан захирлаар ажилладаг Анреа Ахрензийг оны бизнес бүсгүйгээр тодруулсан байна. Мөн тэрбээр таблетийн цоо шинэ загвар гаргаж, зах зээлд туршсан нь чамгүй амжилт үзүүлжээ.

Шударга ёс

Кубын өнөөгийн амьдралаар блог хөтөлдөг Иоани Санчез пост коммунист орны амьдралыг гадаад ертөнцөд бодитоор дамжуулж чаджээ. Фидель болон Рауль Кастрогийн жинхэнэ төрхийн талаарх блогийн нийтлэлүүдийг кубачуудаас гадна олон улс 20 хэлээр унших боломжтой аж.