Ангела Меркель цананаас унаж гэмтжээ

ХБНГУ-ын канцлер Ангела Меркель гүйлтийн цанаар гулгаж байгаад унаж түнхээ гэмтээснээр ойрын гурван долоо хоногийн бүх айлчлалаа цуцлахад хүрчээ. Түүнийг эмч нар хэвтрийн дэглэм сахихыг шаардсан тул ажлаа гэрээсээ нэг хэсэгтээ явуулах юм байна.

Ангела Меркель шинэ оноор амралтаа авч, Швейцарийн Санкт-Морицег зорьсон юм. Цананаас унасныхаа дараахан Меркель хавдар төдий гэж үзэж байсан ч эмч нар түнхэндээ гэмтэл авсныг тогтоожээ.

Үүнээс хэдэн хоногийн өмнө Германы алдарт тамирчин Михаэль Шумахер уулын цанаар гулгаж байгаад тархиндаа хүнд гэмтэл авч улмаар сэхээн амьдруулах тасагт хэвтэн эмчлүүлж, амь нас нь дээсэн дөрөөн дээр байгаа билээ. Ийнхүү Германы хоёр алдартан хэдхэн хоногийн хугацаатай цананаас унаж гэмтлээ.

Болоргэгээ