“Роллс Ройс”-оор тансаглагчид олширчээ

Тансаг зэрэглэлийн автомашин үйлдвэрлэгч “Роллс Ройс” компани өнгөрсөн онд 3630 машин борлуулсан нь дээд амжилт болжээ. Өндөр үнэ, тансаг загварын машин цөөн тоогоор үйлдвэрлэдэг энэ компани ихэнх бүтээгдэхүүнээ захиалгаар хийдэг аж.

Хамгийн сүүлд 2012 онд 3575 ширхэг машин борлуулсан нь дээд амжилт болж байсан аж. Мөн өнгөрсөн гуравдугаар сард “Роллс Ройс” Geneva Motor Show-гаар алдарт Wraith загвараа танилцуулсан нь ийнхүү амжилт тогтооход нөлөөлсөн юм байна. Тэдний тансаг автомашины гол хэрэглэгчид Ойрхи Дорнодод төвлөрдөг ба ертөнцөд цорын ганц гэгдэх олон загварыг арабууд захиалж хийлгэжээ.