Оросын ачааны хөлөг онгоц мөсөнд баглагдав

Оросын ачаа тээврийн хөлөг онгоц Алс Дорнодод Сахалины ойролцоо мөсөнд баригджээ. Хөлгийн багийнхныг нисдэг тэргээр авсан бөгөөд хавар болтол хөлгийг хөдөлгөх боломжгүй болсон гэж албаныхан мэдэгдсэн байна.

“Диомид” хөлөг арванхоёрдугаар сарын 30-нд Магаданаас хөдөлсөн аж. Улмаар Владивосток боомтод очих байсан ч ийнхүү байгалийн гамшигт ээрэгдсэн байна. Харин хөлгийн багийн 15 гишүүн эсэн мэнд харьж чаджээ.