Орост газрын тосны шинэ татвар мөрдөгдөнө

ОХУ нь дотооддоо үүсэн шатахууны хомсдол, түүнийг дагасан үнийн өсөлтийг хязгаарлах зорилгоор 2011 онд газрын тосны бүтээгдэхүүний “60-66-90” татварын системийг нэвтрүүлсэн.

Уг системийн дагуу  дэлхийн зах зээл дэх “Urals” маркийн газрын тосны өнгөрсөн нэг сарын дундаж үнээс 60 хувь,бензины татварыг газрын тосны татварын 90 хувь, дизель түлшний татварын 66 хувиар тооцох болсон юм. Гэтэл өнгөрсөн онд тус улсын Сангийн яамны зүгээс “60-66-90” татварын системийг “55-60-90” болгон өөрчлөхийг саналыг дэвшүүлснээр татварын шинэ систем ирэх хоёрдугаар сараас мөрдөгдөж эхлэхээр болж байна. Ингэснээр газрын тосны бүтээгдэхүүний экспортын татварууд шинэ системийн дагуу тооцоологдох юм.

Ирэх сарын 1-нээс ОХУ-ын газрын тосны экспортын татвар тонн тутамд  14,7 ам.доллар буюу 3,7 хувиар буурч 386,3 ам.доллар болж байна. Тус улсын Сангийн яамны мониторингийн мэдээллээр 12 дугаар сарын 15-наас нэгдүгээр сарын 14-ний хооронд дэлхийн зах зээл дэх Urals маркийн газрын тосны нэг баррелийн үнэ 107,9 ам.доллар байжээ. Монгол улсын импортын гол бүтээгдэхүүн болох бензиний экспортын татвар одоогийн 360,9 ам.доллараас буурч 347,6 ам.доллар болох аж.

2014 оны ОХУ-ын бензиний экспортын татвар

1 дүгээр сар    + 9,1 ам.доллар    360,9 ам.доллар
2 дугаар сар    -14,7 ам.доллар    347,6 ам.доллар