Гудамжны урлаг

Нийгэм хөгжихийн хэрээр хүмүүсийн хүсэл сонирхол, шинэ санаа улам бүр нэмэгдэн баяжиж бидний санаанд ч оромгүй зүйлсийг хийсээр энэ нь урлагийн олон хэлбэрийг бий болгон хөгжүүлж байдаг. Үүний нэг төрөл нь гудамжны урлаг юм. Гудамжны урлаг нь дотроо олон төрөл зүйл байдаг. Жишээлбэл, граффит, стикер, зурагт хуудас, трафарет граффит, видео дүрс, инстолляци гэх мэт. Гудамжны урлагийн гол зорилго нь өөрийн үзэл бодлоо олон нийтэд таниулах  мөн хийсэн бүтээлээсээ таашаал хүртэх юм. Ингээд энэ нэгдүгээр сард дэлхийн өнцөг булан бүрт урласан сонирхолтой бүтээлүүдээс хүргэе.