Оросын тусгайгийнхан Дагестанд ажиллана

Оросын алан хядагчидтай тэмцэх албаныхан Дагестанд байрласан гэж “Риа Новости” мэдээллээ. Учир нь Дагестан Оросын хамгийн хэцүү бүсийн нэг юм.

Үүнээс гадна, Сочийн Олимпийн үеэр дагестанууд алан хядах ажиллагаа хийнэ гэх мэдээллийг Оросын тагнуулчид олж авсан байна. Тиймээс Дагестанд өндөржүүлсэн бэлэн байдалтайгаар ажиллах аж.

Дагестаны хямрал бараг 10 жилийн өмнө эхэлсэн ч өнөөдрийг хүртэл өчүүхэн ч саараагүй. Хүчирхийлэл, аллага өдөр бүр гардаг. Хүн амын дийлэнх нь исламын шашинтай учир Оросын Засгийн газрын бодлогыг тууштай эсэргүүцдэг.