Б.Обама Бэйонсе хоёр дотно байсан нь нотлогдов

Францын Ерөнхийлөгч Ф.Олланд жүжигчин Жюли Гайе нар хайр сэтгэлийн холбоотой болохыг олж илрүүлэн гэрэл зургаар баталгаажуулсан Францын гэрэл зурагчин Паскаль Ростен "Europe 1" радиод саяхан ярилцлага өгсөн байна. Тэрбээр энэ үеэр Ерөнхийлегч Б.Обама, нэрт дуучин Бэйонсе хоёр учир ургуулсан талаар “Washington Post” сонины мягмар гаригийн дугаарт нийтлүүлэх гэж буй талаараа ярьжээ. Харин тус сонины мэдээлэл хариуцсан ерөнхий редактор Кристин Коратти үүнтэй холбогдуулан тайлбар өгөхдөө "Энэ бол худлаа. Бидэнд ийм мэдээлэл байхгүй" гэжээ. Үүний дараа Францын гэрэл зурагчин Паскаль Ростен хэлэхдээ "Би Б.Обама, Бэйонсе нарын талаарх мэдээлэл мягмар гаригт нийтлэгдэнэ гэж хэлээгүй. Ойрын өдрүүдэд сонинд гарна гэсэн. Б.Обама, Мишель нарын харилцаа сүүлийн үед төдийлөн сайнгүй байгаа юм шиг сэтгэгдэл төрсөн" хэмээн ярьжээ.

АНУ-ын Ерөнхийлөгч болон гэргий Мишель нарынх нь харилцаа сайнгүй байгаа талаар сүүлийн үед нэлээд бичигдэх болсон. Өнгөрсөн арванхоёрдугаар сард "The National Emperor" блогт Мишель Обама салах өргөдлөө гаргах гэж байгаа тухай бичсэн билээ. 21 жил нэг гэрт амьдарч буй тэд Н.Манделатай салах ёс гүйцэтгэх ёслолд оролцсон. Энэ үеэр Б.Обама Даний Ерөнхий сайдтай их дотно байсан нь хэвлэлээр нэлээд шуугиан тарьсан юм.