Өмнөд Солонгост барилга нурж, 10 хүн амиа алдлаа

Өмнөд Солонгосын Гёонжу дахь амралтын газрын барилга нурсны улмаас 10 хүн амь үрэгдэж, 97 хүн гэмтжээ. Аврах албаныхны мэдэгдэж буйгаар, нурангин доор 10 гаруй хүн байгаа бөгөөд яаралтай гаргаж авахгүй бол удаан тэсэхгүй аж.

Амиа алдсан хүмүүсийн долоо нь оюутан байжээ. Тэд Пусан хотоос амрахаар ирсэн, нэгдүгээр курсын оюутнууд байсан гэнэ. БНСУ-ын Онцгой албаныхан ослын талаар албан ёсны мэдэгдэл хийсэн байна. Осол дээвэр дээр хуримтлагдсан цас хайлж, дэвтээснээс болж цөмөрсөнтэй холбоотой.

Д.Маргад