Орос энэ долоо хоногт Украйн руу хоёр тэрбум ам.доллар шилжүүлнэ

Оросын Сангийн сайд Антон Силуанов Украйнд хоёр тэрбум ам.долларын тусламж үзүүлэхээр шийдвэрлэж, энэ долоо хоногт шилжүүлэхээр болсон тухай албан ёсоор мэдэгдэв.

Арванхоёрдугаар сард Москва Украйны эдийн засгийн сэргээхэд 15 тэрбум ам.доллараар тусална гэсэн. Гэхдээ одоогоор гурван тэрбумыг л шилжүүлээд байгаа юм. Энэ тусламжийг Виктор Янукович эдийн засгийн цоо шинэ гарц гэж үзэж байгаа бол олон нийт тууштай эсэргүүцэж байгаа.

Одоо сөрөг хүчин парламентийн ордны гадаа үүнийг эсэргүүцэн жагсаж байна. Гэсэн хэдий ч, өнөөгийн байдлаар Ерөнхийлөгчийн эрх мэдлийг хаах гэсэн үйлдлүүд эрс хуимгдаад байгаа юм.

Д.Маргад