Алга болсон онгоцны зураг олджээ

Тайваний их сургуулийн оюутан "Tomnod" хэмээх газрын зургийн хайлтын цахим хуудсаар дамжуулан онгоцыг хайж байгаад ширэнгэн ой дээгүүр нисч буй онгоцны хиймэл дагуулаас авсан зургийг олсон тухай "Dailymail.com" мэдээллээ. Сураггүй  болсон онгоц мөн эсэхийг албан ёсоор тогтоогоогүй боловч "МH370" нислэгийн онгоцтой маш төстэй бөгөөд яг онгоц радараас гарч, эргэлт хийсний дараах цаг үетэй давхцаж буйг Малайзын Засгийн газраас мэдэгджээ.

"Tomnod" хэмээх хайлтын цахим хуудсыг алга болсон онгоцыг хайх зорилгоор энэхүү хайлтын сүүлийн үеийн программийг дэлхий нийтээрээ ажиглаж байгаа ч оюутан залуутай адилхан зураг авсан ганц ч хүн байхгүй байгаа нь аврагч болон иргэдийг хоёр хуваагаад байгаа юм.  Тайвань оюутны олсон энэ зураг олон нийтэд хүрэх үед Малайзын хойд хэсэгт орших Келантан хэмээх тосгоны фермерүүд онгоц алга болсон өдөр нэгэн том онгоц маш доогуур нисэхийг харсан хэмээн сэтгүүлчдэд ярьсан байна. Иргэд "Boeing" онгоцны сүүл хэсэг шатаж байсан учир эндээс холгүй ослын буулт хийсэн байж болзошгүй гэжээ.