Царцаасан барилгын асуудлыг байнгын хороонд хүргүүлэхээр боллоо

Аюулгүй байдал, гадаад бодлогын байнгын хороо өнөөдөр хуралдаа. Хуралдаанаар 2014 оны Төсвийн тодотгол, түүнийг дагалдах хуулийн төсөл болон холбогдох хуулийн төслүүдийг хэлэлцсэн юм. Өнөөдөр Аюулгүй байдал, гадаад бодлогын байнгын хороонд харьяалагдах яамдын урсгал зардлыг бууруулах, тус яамдтай холбоотой "царцаасан" обьектуудын талаарх байр сууриа байнгын хорооны гишүүд ярилцаж, зөвшилцсөн юм.

Ц.Оюунбаатар гишүүн хэлэхдээ "Төсвийн үр ашиггүй зардлыг багасгах, орон тооны асуудал болон цалин нэмэх асуудлаар Аудитын шалтгалт хийж, үр дүнг нь УИХ хэлэлцэх ёстой" гэсэн зарчмын зөрүүтэй санал гаргалаа. Гишүүдийн гаргасан горимын санал болон бусад дүгнэлтээ Төсвийн байнгын хороонд хүргүүлэхээр боллоо.