Ирак дахь АНУ-ын цэргийн тоо нэмэгдэнэ

АНУ-ын Ерөнхийлөгч Барак Обама Иракийн Анбар мужид цэргийнхэн болон сургагч нарыг нэмж явуулахаар болсон шийдвэрийг зөвшөөрчээ.
Цэргийн зөвлөх болон сургагчид Иракийн Засгийн газрын цэргүүдийг “Исламын улс” бүлэглэлийн эсрэг тэмцэхэд туслах аж. Цагаан ордны тэргүүн түүнчлэн Иракийн арми болон Курдын зэвсэгт бүлэглэлүүдэд хэрэгтэй байгаа зэр зэвсэг, техникийг хурдан хугацаанд хүргэх тухай тушаасан байна. Ерөнхийлөгчийн Тамгын газрын мэдэгдсэнээр Иракт нэмэлт хүч явуулах тухай шийдвэр Иракийн Ерөнхий сайд Хайдар ал-Абадигийн хүсэлтээр болон Пентагонтай зөвшилцсөний үндсэнд гарсан гэнэ.