Халдлагад өртсөн Монгол эмэгтэй ухаан ороогүй байна

Өчигдөр Малайзын Холбооны Улсад монгол эмэгтэй халдалагад өртсөн талаар бид өмнө нь мэдээллэж байсан билээ. Тэгвэл Тайланд дахь манай улсын элчин сайдын яамныхан Малайзын Куала Лампур хотын Петалинг дүүргийн Цагдаагийн газрын комиссорын туслах, мөрдөн байцаагч Азми Аву Кассим /Petaling Jaya district police chief Assistant Commissioner Azmi Abu Kassim/ -тай утсаар холбогдож мэдээлэл авсан байна. Мөрдөн байцаагч өчигдөр болсон халдлагад монгол эмэгтэй өртсөнийг нотлосон бөгөөд одоогоор хэргийг нягтлан шалгаж байгаа аж. Хэргийг үйлдсэн этгээдүүд машин дотор монгол эмэгтэйтэй хамт явж байсан Малайзын иргэн, хятад гаралтай бизнесменийг онилонэ буудсан боловч хажууд нь сууж явсан монгол эмэгтэйг оножээ. Энэ хэргийг өс хозонгийн сэдэлтэй байж болзошгүй гэж үзэж байгаа бөгөөд малайз эр монгол эмэгтэйтэй танилцаад удаагүй, түүний хаана юу хийдэг эсэхийг мэдэхгүй гэжээ.Суманд өртсөн эмэгтэйн ойр дотны холбоо барих хүний тухай мэдээлэл байхгүй байгаа бөгөөд түүний овог нэр, паспортын дугаарыг үндэслэн Цагаачлалын албанаас холбогдох мэдээлэл авахаар ажиллаж байгаагаа мэдэгджээ. Одоогоор эмэгтэйн биеийн байдал сайнгүй байгаа бөгөөд ухаан ороогүй байгаа аж. Эмч нар зөвлөлдөж байгаад түүний биен дэх хоёр сумыг авах эсэхээ шийднэ гэжээ.