“Мөнхийн” А.Лукашенко ерөнхийлөгчийн сонгуульд дахин ялав

Беларусь улсад өнгөрсөн ням гарагт Ерөнхийлөгчийн сонгууль болж өнгөрлөө.

Сонгуулийн төв комиссын дарга Лидия Ермошинагийн мэдээлснээр өнөөгийн төрийн тэргүүн Александр Лукашенко сонгогчдын 83,49 хувийн санал авч ялалт байгуулжээ.

Харин түүний өрсөлдөгч Либерал Ардчилсан намын тэргүүн Сергей Гайдукевич 3.32 хувь, "Үнэнийг хэл" иргэний хөдөлгөөний гишүүн Татьяна Короткевич 4,42 хувь, Эх орны намын дарга Николай Улахович 1.67 хувийн санал авсан байна.

“Мөнхийн” еоөнхийлөгч гэж нэрлэгдээд байгаа Александр Лукашенко ийнхүү  тав дахь удаагаа Беларусийн Ерөнхийлөгчийн албыг хашихаар болж байна.