ОХУ-д зика вирусын анхны халдвар илэрчээ

Доминикан улсад амраад ирсэн эмэгтэйгээс Зика вирус илэрсэн тухай “Роспотребнадзор” байгууллагын сайтад өчигдөр  мэдээлсэн байна. Москвад ирснийх нь дараа өвчин илрээгүй ба харин хэд хоногийн дараа эмэгтэй халуурч, биеэр нь  тууралт гарчээ. Эмэгтэйг эмнэлэгт тусгаарлаж, гэр бүлийн гишүүдийг нь хяналтад авчээ. Мөн тэр эмэгтэйн зорчсон онгоцонд ариутгал хийсэн байна. Гэвч  Оросын цаг уурын нөхцөлд уг вирус тархах аюул байхгүйг эмч нар хэлжээ.

Өнгөрсөн онд Африкаас Ази, Латин Америкт халдварласан зика вирус маш хурдтайгаар тархаж эхэлжээ. Халдвар нь Aedes aegypti гэх шумуулаар дамждаг юм. Одоогоор энэ вирусаас урьдчилан сэргийлэх вакцин хараахан гараагүй байна.