Хакүход сануулга өгчээ

Японы мэргэжлийн сүмогийн Харү башё Осака хотноо болж байна. Башёгийн найм дахь өдөр их аварга Хакүхо М.Даваажаргал сэкивэки Ёшиказэг дэвжээнээс гаргасан хойноо хөлийг нь авч түлхсэн. Ёшиказэ дохён дээрээс унаж явахдаа Изүцү оякатагийн хөлөн дээр дарж, унасан билээ. Үүнээс болж Изуцү оякатагийн хөл хугарч, эмнэлэгт хэвтэн эмчлүүлэх шаардлагатай болсон. Харин сүмогийн холбооноос “Өрсөлдөгчөө ялсан хойноо нэмж түлхэх, унагаах нь ямар хор уршигтайг Хакүход санууллаа.” гэсэн байна.