Билл Клинтоны Сан нэг сая долларын хандив хүлээн авчээ

АНУ-ын ерөнхийлөгч асан Билл Клинтоны Сан Катарын эрх баригчдаас нэг сая долларын хандив авсан гэнэ. Энэ мэдээллийг тус Сангийн төлөөлөгч Брайан Кукстра баталсан байна.

Хандивыг Билл Клинтоны 65 насны ойг тохиолдуулан өгсөн аж. Энэ мөнгө нь тус Сан дахь Катарын хувийг “материаллагаар өсгөх” зориулалттай биш байсан хэмээн Кукстра мэдээлжээ.

WikiLeaks сайт тус Сангийн ажилтнууд болон Хиллари Клинтоны сонгуулийн штабын удирдагч Жон Подеста нарын хоорондоо бичилцсэн зурвасуудыг өмнө нь дэлгэж байсан билээ. Катарын эрх баригчид Билл Клинтонд нэг сая доллар бэлэглэн, хувьчлан уулзах хүсэлтэй байгаа тухай тэдгээр захидлуудад дурдагдаж байсан аж. 

Д.Мөрөн