Долоон настай Сири охин твиттэрээр дамжуулан тусламж хүсэв

Өчигдөр дэлхийн томоохон хэвлэл мэдээллийн агентлаг болох СNN долоон настай Сири охины твиттэр хаяг болоод Алеппо дахь бөмбөгдөлтийн бодит дүр зургийн талаарх мэдээллийг олонд хүргэсэн байна. 

Охины хувьд өнгөрөгч есдүгээр сард твиттэр хаягаа нээсэн бөгөөд энэхүү хаягаар дамжуулан өөрийн амьдарч буй газрын бодит дүр төрхийг олонд хүргэдэг байжээ.

Бана Алабэд охин “Өнөө орой бид ямар байшин бөмбөгдүүлж түүний дор хичнээн хүн дарагдаж үхэж байгааг харж байна. Аймшигтай, тэрхүү үйл явдлуудыг хараад би бараг үхэх шахсан. Хүн бүр л бөмбөгдөлтөд өртөхгүй байхын төлөө залбирч байна. Та ч гэсэн бидний төлөө залбираарай” хэмээн твиттэр хуудсандаа бичиж байв.

Гэвч түүнийг тэрхүү бичсэний дараа Алеппод маш хүчтэй бөмбөгдөлт болсон бөгөөд охинтой удтал холбогдож чадахгүй байсны дараа түүний ээжтэй холбогдож чаджээ. Банагийн ээж “Сирийн арми Алеппог эргүүлж авах томоохон дайралтыг эхлүүлээд байна. Бид Аллепо хотын зүүн хэсэгт босогчдын хяналтад байна. Бидэнд туслаач” хэмээн яриагаа эхлүүлжээ.

Энэхүү бичлэгт бөмбөгдөлтийн дуу маш тод сонсогдох бөгөөд ингэж холбогдсоноос хойш охины твиттэр хаяг ямар ч идэвхгүй байгаа ажээ. 

О.Туяа