Гадаад харилцааны сайд Ц.Мөнх-Оргил Бутан улсад айлчлав
Гадаад харилцааны сайд Ц.Мөнх-Оргил айлчлалынхаа явцад Бутан Улсын Парламентын Дэд дарга Чимиддоржи, Ерөнхий сайд Цэрэн Тобгай нарт бараалхан Гадаад хэргийн сайд Д.Доржитой хоёр орны харилцаа, бүс нутгийн болон олон улсын харилцааны харилцан сонирхсон асуудлуудаар хэлэлцээ хийв.
Бутан Улсын Гадаад хэргийн сайд Д.Доржи хоёр тал 2012 онд дипломат харилцаа тогтоосноос хойш хоёр болон олон талын хүрээнд амжилттай хамтран ажиллаж байгааг тэмдэглээд Монгол Улсын Засгийн газар Далайд гарцгүй хөгжиж байгаа орнуудын Олон улсын судалгааны төвийг өөрийн орны нийслэл Улаанбаатар хотноо байгуулах санаачилга дэвшүүлж тус төвийн үйл ажиллагааг эхлүүлэхэд идэвхтэй ажиллаж ирсэнд талархал илэрхийлж, Бутан Улсын Засгийн газар Олон улсын судалгааны энэхүү төвийн үйл ажиллагааг эхлүүлэх тухай хэлэлцээрт нэгдэн орохоор шийдвэрлэснийг мэдээлэв.
Гадаад харилцааны сайд нар хоёр орны хууль тогтоох байгууллагуудын хооронд болон хөдөө аж ахуй, соёлын салбарт хамтын ажиллагааг хөгжүүлэх, сэтгүүлчид, хэвлэл мэдээллийн ажилтнууд, ардын уламжлалт эмчилгээ, мал аж ахуйн салбарын мэргэжилтнүүдийг харилцан айлчлуулах, үзэсгэлэн, кино өдрүүд зохион байгуулах чиглэлээр хамтарч ажиллахаар тогтсон бөгөөд ярилцсан асуудлуудаар Хэвлэлийн хамтарсан мэдээ гаргав.
Холбоотой мэдээ
Сэтгэгдэл ( 1 )
энэ ямар нүүрээрээ гадаадад айлчлал хийж байна аа амлалт өгж хятадын хараанд орчихоод хэнээс юу гуйж яваа юм бол оо одоо хурдан огцорооч өөрөө худлаа гэсэн юм хэлэх байх дэлхий дахин энэ хүнийг гайхаж байхад хятадын эсрэг ямарч эсэргүүцэл гаргаагүйд гол шалтгаан болж байна яагаад гэвэл энэ нь үнэн бодит болсон явдал учраас хятадын тал дэлхий дахинд мэдээлсэн юм тийм учраас эх орныхоо эсрэг үйлдэл хийсэн нь эх орноосоо урвасан үйлдэл юм одоо яаралтай гадаад хэргийн сайдаас татан буулгаж шүүхэд асуудлыг нь шийдвэрлэх хэрэгтэй.