Израилыг дэмжихийг Трамп уриаллаа

АНУ-ын шинээр сонгогдсон ерөнхийлөгч Дональд Трамп Израилыг дэмжихийг Их Британид уриалсан байна. Тэрээр Зүүн Иерусалимд суурьшлын бүтээн байгуулалт хийхээ зогсоохыг Израилаас шаардаад байгаа НҮБ-ын Аюулгүйн Зөвлөлийн тогтоолд Их Британи улс хориг тавьдагсан бол үнэхээр гайхамшигтай зүйл болохоор байна гэжээ.

Олон улсын нийгэмлэгийн зүгээс араб-израилын зөрчлийг зохицуулах асуудалд Израилын үйлдэл саад болж байна гэж үзээд нэг бус удаа ийм шаардлага тавьж байсан хэдий ч Израилын эрх баригчид Баруун эргийн газар нутаг дээр түүхийн, соёлын, улстөрийн эрхтэй хэмээн өөрсдийгөө зөвтгөсөөр байгаа юм.

АНУ бусад улс орнуудын адил Израилыг эзэлсэн газар нутгууд дээрээ суурьшил үүсгэхийг эрхзүйн хувьд хүлээн зөвшөөрөхгүй байгаа хэдий ч НҮБ-ын тогтоолд хориг тавихыг анх удаа хүссэн байна.

Трампаас ярилцлага авах үед Израилын Тель-Авив дахь Америкийн элчин сайдын яамыг Иерусалим руу шилжүүлэх эсэх талаар асуухад, “Энэ талаар би одоохондоо хариулахад бэлэн бус байна, гэхдээ бид асуудлыг нягтлан үзэх болно” гэж тэрээр хариулсан аж.

Д.Мөрөн