Т.Эрдоганыг шүүмжилсэн шүлэг уншаад баривчлагдав

Германы Пират намын Берлин хотын хорооны дарга Бруно Крамм  гэгч эр Туркийн ЭСЯ-ны өмнө болсон жагсаал дээр Р.Т.Эрдоганыг шүүмжилсэн агуулгатай шүлэг уншаад цагдаад баривчлагджээ.

Жагсагчид хэвлэлийн эрх чөлөөг хангахыг шаардаж байсан бөгөөд Б.Крамм энэ үеэр телевизийн хөтлөгч Ян Беерманы зохиосон шүлгийг уншсан аж. Цагдаа нар шүлгээ уншихаа болихыг хоёр удаа шаардсан ч биелүүлээгүй тул баривчлан авч явжээ. Германы цагдаагийн газар үүнээс өмнө дээр нэр дурьдагдсан Ян Беерманд мөн эрүүгийн хэрэг үүсгэн шалгаж байгаа юм байна. Тэрээр Туркийн ерөнхийлөгчийн курдуудын эсрэг явуулж байгаа бодлогыг эрс эсэргүүцдэг нэгэн аж.     

С.Төгөлдөр