Майкл Жексоны аав осолд оржээ

Алдарт Майкл Жексоны аав Жо Жексон Лас-Вегаст зам тээврийн осолд оржээ. “Associated Press” агентлагийн мэдээлж байгаагаар, түүнийг эмнэлэгт яаралтай хүргэсэн байна. 88 настай Жо Жексоны сууж явсан машины хажуу руу нэгэн машин орж ирсэн аж. Попын хааны аав удалгүй эмнэлгээс явснаас үзэхэд түүний биеийн байдал сайн байгаа бололтой.

“The Jackson 5” хамтлагийг байгуулж, Америкийн хөгжмийн ертөнцөд алдартай болгосон хүн бол Майкл Жексоны аав Жо Жексон. Харин гурван жилийн өмнө Жо Жексон алдартай хүүгийнх нь нэрийг барьж сүрчиг зардаг хууль бус дэлгүүрт худалдагч хийж байгаа тухай мэдээлэл гарсан билээ.

О.Чанцаа

WWW.ZINDAA.MN