БНАСАУ дайнд бэлдсээр байна
БНАСАУ янз бүрийн пуужин туршиж, дэлхий дахинд аюул учруулснаас үүдсэн маргаан дайн болон хувирахад тун ойрхон байгаа билээ. НҮБ-аас тус улсын эсрэг авсан хориг арга хэмжээнүүдийн дараа Ким Жон Уны зоргоороо зан нь улам хурцаджээ. Тэрбээр мөн тус улсыг зөрүүлэн сүрдүүлсэн АНУ руу пуужин хөөргөхөөр бэлтгэж байгаагаа мэдэгдсэн билээ.
Хоёр улсын хооронд үүссэн хурцадмал байдал, БНАСАУ-аас болж бүс нутагт үүссэн тогтворгүй байдал зэргийг дарахаар АНУ хүч хэрэглэж болзошгүй гэж ОХУ тэргүүтэй зарим орон болгоомжилж байгаа юм. Тэгвэл зарим нь Ким Жон Ун түрүүлж бодлогогүй алхам хийж, Гуамын арал руу пуужин хөөргөн дайн дэгдээнэ гэж түгшиж буй.
Түүнчлэн өнөөдөр Солонгосын цахилгаан мэдээний төв агентлаг Ким Жон Ун цөмийн цэнэгт хошуу болон пуужингийн хөдөлгүүрийг ихээр үйлдвэрлэхийг үүрэг болгосон талаар мэдээллээ. Хойд Солонгосын удирдагч Үндэсний цэргийн академийн дэргэдэх химийн шинжлэх ухааны судалгааны хүрээлэндээ зочилжээ. Энэ үеэрээ тэрбээр мэргэжилтнүүддээ дээрх үүргийг өгсөн байна. Удирдагч Ким үйлдвэрлэлийн үйл явцтай танилцаж, хүрээлэнгийн ажилд өндөр үнэлгээ өгчээ.
АНУ-ын Төрийн нарийн бичгийн дарга Рекс Тиллерсон саяхан НҮБ-ын тогтоолын дараа БНАСАУ түрэмгийлсэн үйл явцаа багасгасан гэсэн юм. Тэгвэл Ким тийм амархан бууж өгөөгүй бололтой. Тагнуулын мэдээгээр БНАСАУ Гуам руу өгөх цохилтын бэлтгэлээ өчигдөр дуусчээ. АНУ-ын стратегийн бөмбөгдөгч онгоцууд байрлаж байгаа энэ бааз руу Ким дөрвөн ширхэг дунд тусгалын баллистик пуужин харвана гэсэн билээ. Судлаачдын таамаглаж байгаагаар, “Хвасон-12” пуужингаар цохилт өгч, цэргийн баазын ажиллагааг саатуулах гэж байгаа аж.
Тэгвэл АНУ Хойд Солонгосыг “Дэлхий дахин өмнө нь харж байгаагүй зүйл болно” гэж сүрдүүлсэн билээ. Доналд Трампын хэлсэн энэ үг Ким Жон Уныг түрэмгий үйлдлээ улам нэмэхэд хүргэж байна гэж олон хүн Ерөнхийлөгчөө шүүмжилсэн юм. Харин АНУ-ын Төрийн нарийн бичгийн дарга Р.Тиллерсон үүнийг “Хойд Солонгосын удирдагч дипломат ёс мэдэхгүй. Түүнтэй хүн шиг яриад ойлгодоггүй учир ингэж хэлэхээс өөр арга байхгүй” гэж тайлбарласан.
Энэхүү хурцадмал байдал дээр нэмэгдэн уржигдар АНУ, Өмнөд Солонгосын хамтарсан цэргийн сургуулилт эхэлсэн нь БНАСАУ-ыг улам бухимдуулжээ. Солонгосын хойгийн нөхцөл байдлыг улам дордуулж, өдөөн хатгасан үйлдэл хийж байна гэж үзсэн Ким Жон Ун АНУ, Өмнөд Солонгосыг шийтгэлээс бултаж чадахгүй гэж сүрдүүлсэн юм.
Харин БНСУ-ын Ерөнхийлөгч энэ сургуулилтыг Солонгосын хойгт үүссэн нөхцөл байдлыг намжаахад чиглэгдээгүй, жил бүрийн уламжлалт үйл ажиллагаа гэжээ. Хойд Солонгос хэзээ ч пуужин харваж, өдөөн хатгалга явуулж магадгүй байгаа учир АНУ, БНСУ хоёр сонор сэрэмжээ дээшлүүлээд байгааг хамтарсан сургуулилт эхлэхэд Америкийн цэргийн командлал мэдэгдсэн билээ.
О.Чанцалдулам
Холбоотой мэдээ
Сэтгэгдэл ( 10 )
Үнэн дээ бол хоёр Солонгосын дайнаас хойш Ардчилсан Солонгос аль нэг улсын хил давж, мөргөлдөөн дайн үүсгэсэн удаагүй. Харин АНУ бол байнга хийдэг ажил нь. Тухайн улсын төрийг түлхэн унагаахад төрөл бүрийн арга хэрэглэдэг тул Ардчилсан Солонгосын үйлдлийг өөрийгөө хамгаалахаар оролдож буй бяцхан улс гэж харахаас өөр өнцөг байхгүй баймаар. Тэд тусгаар тогтнолоо уул нь хоёр хөршөөрөө бас найдвартай хамгаалуулах боломж бас бий дээ.
Hoid solongosiin atigar uhne Dandaa l tegj soliorch bgiisht
АНУ ална хядна гээд байхад хойт Со бас хариу бэлтгэхээс яах вэ.
Малнууд дайн болно гэж байхад газар зарна гээд байхиин ,
Хотод ойр, ойн захад горхины дэргэд тансаг зэрэглэлийн хаус хотхон байгуулахад тохиромжтой 10га газар зарна. 88145555
ТЭЦ4-ийн урд зам дагуу агуулах оффистой 1га аж ахуйн газар зарна. 88145555
13-р хороололд зам дагуу ямар ч барилга барьж болох 350м2 өмчлөгдсөн газар зарна. 88145555