Малала рохингя үндэстнүүдийг өмөөрч Ан Сан Су Читэй ярив
Пакистаны Хүний эрхийн төлөө тэмцэгч Малала Юсуфзай Мьянмарын Төрийн зөвлөх Ан Сан Су Читэй утсаар ярьжээ. Малала тус улс дахь рохингя үндэстнүүдийн асуудалд санаа зовниж байгаагаа илэрхийлсэн байна. Мьянмарын арми рохингя үндэстнүүдийн эсрэг цэргийн ажиллагаа явуулж байгаа билээ. Рохингя үндэстнүүд цагдаагийн хэсгүүд рүү халдаж, олон хүний аминд хүрсний дараа Мьянмарын Засгийн газар тэдний эсрэг цэргийн ажиллагаагаа явуулах шийдвэр гаргасан юм.
Үүссэн нөхцөл байдлаас үүдэн рохингячууд хөрш орнууд руугаа дүрвэж эхэлжээ. Нэг долоо хоногийн дотор 40 мянган рохингя үндэстэн Бангладешт очсон талаар “RT” агентлаг мэдээллээ.
Мьянмарын Төрийн зөвлөх Ан Сан Су Чи улсад нь үүссэн нөхцөл байдлыг энхийн замаар шийдвэрлэх арга хайж байгаагаа илэрхийлсэн байна.
О.Саша
Холбоотой мэдээ
Сэтгэгдэл ( 0 )