Хүү нь төрсөн эхээ хөнөөсөн байж болзошгүй

Японы Аомори мужид 23 настай эрэгтэйг баривчилжээ. Түүнийг 50 настай эхийнхээ аминд хүрсэн гэж сэжиглэж байгаа юм.

Тус мужийн цагдаагийн газрын мэдээлж буйгаар, “Хохирогч Мичиёо Цушима нь цэнгээний газар ажиллуулдаг байсан. Тэрээр гэртээ хүү охиныхоо хамт амьдардаг байсан юм. Гэвч хэрэг гарах үед түүнийг охин нь хүзүүндээ мэсний шархтай, цус алдаж байхыг олсон” гэв.

“Japan Today”-ийн өнөөдөр мэдээлснээр хохирогчийг эмнэлэгт хүргэсэн боловч нас барсан байна. Иймд тус мужийн цагдаа нар хүүг нь хүн амины хэрэгт буруутган баривчилсан аж. Мөн сэжигтэн этгээдийг хийсэн хэргээ хүлээн зөвшөөрсөн гэж хэлсэн боловч нэрийг нь зарлаагүй байна.

Ж. Шагай

Zindaa.mn